എഴുത്തുകാരന്‍

അരാജകത്വത്തിനെതിരെ

പ്രതികരിക്കാന്‍

അകത്താരോ കോപ്പു കൂട്ടിയ

നേരത്താണ് എന്നിലെ എഴുത്തുകാരന്‍

ഉണര്‍ന്ന്, കുലങ്കഷ ചിന്തകളെ

ശല്യപ്പെടുത്തിയവര്‍ക്കെതിരെ

വൈചാരികമായി പ്രതിഷേധിച്ചത്,

റോസാപ്പൂക്കള്‍ അണിഞ്ഞ

മുള്ളിന്റെ ആവരണം

ആ കശ്മല ഹൃദയങ്ങള്‍ക്ക്

സമ്മാനിച്ചത്.

ഒന്നു കഴിഞ്ഞ്, അടുത്തത്

ആരംഭിക്കുന്നതിനിടയിലാണ്

ആരൊക്കെയോ

കാലുകള്‍ക്ക് പുതിയ

സഞ്ചാരപഥം നിശ്ചയിച്ചത്,

പോലീസ് ജീപ്പില്‍

കയറ്റിയത്.

ഛേദിക്കപ്പെടുന്ന

കഴുത്തുകള്‍ക്കൊപ്പവും

താനുണ്ടെന്ന് പേന

മൗനിയായി പ്രഖ്യാപിച്ചു;

ഒരിക്കലും പിന്നോട്ടില്ലെന്ന്

നാവിന്റെ സ്വരവും.

നിശ്ചലാവസ്ഥയിലും

എന്നെ എഴുതി വെച്ച

രക്തകണങ്ങള്‍ക്ക്

അഭിനന്ദനങ്ങള്‍!